عشرة طويلة :)))

السّلام عليكم

اليوما قاعدة نتصفّح في الفوروم و نشوف في المواضيع القديمة الّي لقيت روحي متفكّرتها موضوع موضوع و تقريبا اجابة اجابة (عداني القذافي الله غالب).. وزدت نشوف في بروفيلي نلقى الّي أنا أول ما دخلت للفوروم كان عمري 16 سنة.. قلت تبارك الله ليّام قدّاش تجري توّا 4 سنين على اك الوقت،

حبّيت نكتب الموضوع هذا لأعضاء الفوروم الّي نحترمهم برشا و الّي بفضلهم حكيت و عبّرت على برشا حاجات و ماخلّيت في قلبي شيء، حبّيت نكتبو زادا للأعضاء الجدد حبّيت نقلهم راي تجربة منتدى القيروان هي من أحسن التّجارب الّي صارتلي في حياتي... اييييييييييييييييييه عشرة طويلة في الفوروم مع سي عادل ، مدام انسانة، رحمة، بارفاسيف، وادجا، كر1، ، د.برهومي و برشا أخرين ، و شكرا على الثّقة متاعكم و على انّكم سمحتولي باش نشرف أنا و أشرف على "سيبار اسباس جون"... 4 سنين حكينا حكينا بارشا و فمّا برشا مواضيع مازلت متفكرتهم و خاصّة كي قتلي مدام انسانة "يا أميرة هذه حكاية متاع كبار و انتي أقلّ من 17 سنة" في الموضوع هذا
https://kairouan.forumsrpg.com/t845p15-adieu

حبّيت نقول للأعضاء الجدد راو الفوروم ماكانش راقد قبل غير ربّي يهدي جماعة الفايسبوك غلّاو علينا الخبزة ههههه و هاني اخترت مجموعة من المواضيع الّي حكينا فيها أحنا و بقية الأعضاء باش تعرفو راو كانت برشا عباد تكتب و انشاء الله بش يرجع كيفما قبل .. هاني أنا و ندى باش نعطيو للّي يكتبو كرادن بنان هههههههههه


و فمّا مواضيع عدد الأجابات الّي فيها فاتت 100




في الاخر نحب نقلّكم انشاء الله ديما منورين القروان يا أعضاء الفوروم