دورة استثنائية للمجلس الجهوى وبعد؟

القيروان 29 ديسمبر 201 /وات/ - أكد السيد عفيف شلبى وزير الصناعة والتكنولوجيا لدى اشرافه صباح اليوم الاربعاء بالقيروان على دورة استثنائية للمجلس الجهوى ما تحظى به ولاية القيروان من اهتمام متواصل ومتابعة دائمة من لدن الرئيس زين العابدين بن على الذي خص الجهة منذ التحول ببرامج تنموية هامة ولا سيما على أصعدة تطوير البنية الاساسية بمخلتف مكوناتها وتنويع النسيج الاقتصادى وتثمين الخصوصيات الجهوية لمختلف معتمديات الولاية.

وذكر الوزير بأن الاستثمارات الجملية الموجهة للتنمية بهذه الولاية بلغت منذ التحول ما يناهز 3300 مليون دينار منها 1537 مليون دينار استثمارات عمومية شملت كل المجالات الاجتماعية والاقتصادية والثقافية والترفيهية.

وابرز بالخصوص ما حظيت به ولاية القيروان من برامج متنوعة وجهود مكثفة لتعبئة الموارد المائية لتطوير الفلاحة المروية وذلك من خلال بناء سد الهوارب وتشييد 22 سدا تليا و68 بحيرة مما مكن من تعبئة 97 بالمائة من الموارد المائية المتاحة بالجهة.

كما أبرز الوزير ما شهدته الولاية من تطور هام في مجال البنية التحتية من طرقات وجسور ومناطق صناعية عبر تجسيم عدد كبير من المشاريع باستثمارات فاقت 218 مليون دينار شملت بالخصوص تعبيد ومد شبكة هامة من الطرقات وتهيئة المسالك الفلاحية واحداث 6 مناطق صناعية على مساحة جملية تبلغ 83 هكتارا.

واشار في هذاالسياق الى تغير خارطة النسيج الصناعى بالقيروان بصفة جذرية منذ سنة 1987 بفضل السياسة التحفيزية الناجحة التي انتهجتها الدولة لفائدة المشاريع والوحدات الصناعية الكبرى التي تضاعفت 4 مرات في عهد التغيير حيث بلغت اليوم اكثر من 130 مؤسسة

صناعية كما تطور عدد مواطن الشغل المحدثة بالقطاع الصناعى بربوع الجهة من 2760 قبل التحول الى 10 الاف موطن شغل وذلك تكريسا للتوصل الى انجاز 200 مؤسسة صناعية و15 الف موطن شغل في افق سنة 2014

واوضح السيد عفيف شلبى ان المؤسسات المصدرة كليا بالجهة والتي يبلغ عددها 35 مؤسسة تستقطب وحدها ما يزيد عن 5441 عاملا اى بنسبة 55 بالمائة من عدد مواطن الشغل المحدثة بالمؤسسات التي تشغل 10 اشخاص فما فوق.

واشاد الوزير من ناحية اخرى بما تحقق بالجهة فى السنوات الاخيرة من استقطاب هام للاستثمارات الاجنبية وتركيز عدد من مشاريع الشراكة ذات الطاقة التشغيلية الكبرى التي تستقطب لوحدها الاف مواطن الشغل.

وتخلص الوزير للحديث عما شهدته ولاية القيروان من نقلة هامة في مجال تطوير الموارد البشرية عبر احداث 8 مؤسسات للتعليم العالى تستطقب اليوم اكثر من 14 الف طالب وطالبة الى جانب بناء مركز للدراسات الاسلامية وبعث جامعة القيوران سنة 2004 في اطار دعم لامركزية التعليم العالى.

وذكر الوزير بما حظيت به الجهة من انجازات وتجهيزات ومرافق جماعية عبر احداث 65 مركزا للصحة الاساسية وتوسيع وتهيئة وتعصير التجهيزات بالمستشفيات الجهوية والمحلية علاوة على ما اصبحت تتميز به الولاية من تنوع الفضاءات الشبابية والرياضية خاصة بانشاء المركب الرياضى حمده العوانى والمركز الجهوى لالعاب القوى والقاعة الرياضية المعطاة والمسبح البلدى الجديد وبناء 3 دور شبابية واحداث مركز للطب وعلوم الرياضة ومركز جهوى للاعلامية الموجهة للطفل ومعهد للموسيقى ومركز جهوى للعمل عن بعد.

وأبرز السيد عفيف شلبى بالمناسبة أبعاد الخطة الرائدة التي أقرها الرئيس زين العابدين بن على خلال المجلس الوزارى المنعقد يوم 15 ديسمبر 2010 في اطار ما يوليه من احاطة شاملة ببرامج التنمية الجهوية بمختلف ولايات الجمهورية حيث بلغت الكلفة الجملية لهذه الخطة لفائدة الولاية 6700 مليون دينار.

كما ثمن الوزير في ذات السياق نتائج الجلسة الممتازة للمجلس الجهوى بالقيروان الملتئمة بتاريخ 27 افريل 2007 باشراف الرئيس زين العابدين بن على الذي اقر فيها خطة شاملة لمزيد استحثاث نسق الاستثمار بالجهة تضمنت 48 مشروعا بكلفة جملية قدرها 102 مليون دينار يضاف الى ذلك ما اذن به رئيس الدولة من الشروع في اعداد الدراسات المتعلقة بانجاز الطريق السيارة بين القيروان والنفيضة وربط الجهة بالشبكة الحديدية عبر النفيضة ومضاعفة الطريق الحزامية لمدينة القيروان من الناحية الغربية على طول 10 كلم وتهذيب المناطق السقوية وتجديد شبكات الرى واحداث المزيد من المساحات السقوية والابار العميقة وتوفير الماء الصالح للشراب الى عدد هام من المواطنين بالمناطق النائية.

وفي اطار العناية بالمظهر الحضارى والجمالى لمدينة القيروان ذكر السيد عفيف شلبى بالمشاريع الرئاسية التي يجرى الشروع في استكمال مراحلها الفنية والمتعلقة خاصة بتهيئة المدينة العتيقة وتهيئة وتهذيب فسقية الاغالبة واتمام القسط الثانى من مشروع متحف الحضارة والفنون الاسلامية واحداث منتزه ترفيهى برقادة.

وأشار الوزير إلى إتمام المشروع الرئاسى الخاص بتزويد الجهة بالغاز الطبيعى الذي سينطلق خلال شهر جانفى من السنة الجديدة 2011 مبرزا ايضا المشاريع الرئاسية المتعددة التي حظيت بها معتمديات الولاية في مجالات التشغيل والاستثمار والانشطة الحرفية.

وأعلن السيد عفيف شلبي بالمناسبة عن دفعة أولى من البرامج التي تم إقرارها لدفع العمل التنموي في الجهة تتمثل في//

1/ إحكام استغلال مركز العمل عن بعد

2/ استحثاث نسق انجاز المنطقة الصناعية بالسبيخة

3/ استحثاث نسق انجاز محلين صناعيين بكل من حفوز وبوحجلة وانجاز محلين صناعيين اضافيين في نصر الله وحاجب العيون

4/ إحداث منطقة صناعية على مساحة 26 هك بمدينة القيروان

5/ إعادة هيكلة مركز التكوين والتدريب المهني بسيدي عمر بوحجلة وإحداث وحدة تدريب مهني بمعتمدية العلا بهدف تعزيز القدرة على توفير المهارات المستجيبة لحاجيات النسيج الاقتصادي في الجهة

6/ وضع برنامج في إطار الصندوق الوطني للتشغيل في مجال التكوين الاشهادي في اللغات وتكنولوجيات المعلومات والاتصال

7/ الترفيع ب 50 بالمائة في عدد المنتفعين بعقود التشغيل التي يتم إبرامها مع الولاية في إطار تدخلات الصندوق الوطني للتشغيل

8/ تنظيم يوم شراكة واستثمار بمساهمة ممثلي البنوك وشركات الاستثمار وهياكل الإحاطة للنهوض بالمشاريع ذات الكثافة التشغيلية

9/ وضع خطة لاستقطاب الاستثمارات

وأكد الوزير ما تتوفر عليه ولاية القيروان من آفاق اقتصادية وتنموية واعدة خصوصا مع اقتراب دخول مصنع الاسمنت بالجهة طور العمل والذي تقدر تمويلاته الجملية ب465 مليون دينار ستمكن من إحداث 400 موطن شغل في مرحلة أولى.

وجدد المشاركون والمشاركات في هذه الدورة مشاعر الوفاء والتقدير والاعتراف بالجميل الى الرئيس زين العابدين بن علي مثمنين رعايته الشخصية والمتواصلة للجهة وموءكدين تعلقهم الثابت والمتين بمشروعه الحضاري وتمسكهم بيادته قائدا وضامنا لمسيرة تونس وعزتها ومناعتها.

كما أعربوا عن تجاوبهم التام مع الكلمة البليغة التي توجه بها سيادة الرئيس أمس الثلاثاء إلى الشعب التونسي وما تضمنته من أنبل معاني الإحاطة بكل الفئات الاجتماعية معبرين في ذات الوقت عن استنكارهم للحملة الاعلامية والعدائية المغرضة لبعض القنوات الفضائية والتي لن تزيد التونسيين إلا التفافا حول شخص الرئيس زين العابدين بن علي وتعلقا بخياراته الحضارية الصائبة

إذا نزعنا الديباجة الطويلة السياسوية وأفعال من نوع أحكام واستحثاث وإعادة ووضع وتنظيم فلن يبق من النقاط التسعة غير نقطة واحدة لا تغني ولا تسمن من جوع
كفاكم ضحكا على الذقون بهذه اللغة الخشبية التي لا تسمن ولا تغني ولا تشغّل

فعلا هذا مالاحظه الجميع و لسان حالهم يقول تالله انهم في ضلالهم يعمهون و بالفلاقي المعزة هاززها الواد ...
الله يحسن العاقبة و بره.

على كل اخوتنا الي يخدموا على رواحهم مليح جاويوا اليعض ملي موش عاجبهم الحال و قالولهم موتوا بغيضكم و العدالة راهي في السماء
سوسة 30 ديسمبر 2010 (وات)
تركزت أعمال الدورة الرابعة للمجلس الجهوي لولاية سوسة التي التأمت يوم الأربعاء على استعراض الوضع العام بالجهة سيما المسار التنموي ونشاط لجان
التخطيط والمالية والتشغيل والاستثمار والشؤون الاقتصادية والفلاحة والصيد البحري والتجهيز والإسكان والتهيئة العمرانية ومكافحة التصحر.
وتابع المجلس الجهوي تقدم إنجاز المشاريع التي أعلن عنها الرئيس زين العابدين بن علي لدى إشرافه على المجلس الجهوي الممتاز فى 21 أكتوبر 2009 بولاية سوسة والتى تبلغ 62 مشروعا تقدر قيمتها ب 207 ملايين دينار .

وقد تم إنجاز 18 مشروعا بالكامل فيما يتم حاليا إنجاز 28 مشروعا على غرار مشروع تهيئة ميناء الصيد البحري بهرقلة الذي يتم إنجازه بمليوني دينار أما البقية فهي في طور الدراسة أو في طور الإعلان عن طلب العروض مثل مشروع مدينة التكنولوجيا الذي قدرت اعتماداته ب60 مليون دينار وينتظر أن ينطلق إنجازه خلال سنة 2011 .

وستنطلق خلال سنة 2011 عمليات إنجاز جملة من المشاريع التنموية الأخرى إذ ستشرع شركة القطب التنموي بسوسة فى جانفي القادم فى تهيئة القطب التكنولوجي بسوسة على مساحة 35 هك منها 13 الف متر مربع مغطاة ستكون جاهزة لطلبات الاستثمار المتأكدة وتهيئة منطقة صناعية بالنفيضة على مساحة 50هك.

كما سيتم إنجاز معهد ثانوي بحمام سوسة باعتمادات قدرها مليونان ومائة ألف دينار فضلا عن رصد 55 مليون دينار لإحداث الطرقات بمختلف معتمديات ولاية سوسة.

مثلت المنجزات التنموية بولاية القيروان وما تتميز به من خصائص ومقومات طبيعية وفلاحية وطاقات بشرية هامة ومن تنوع في النسيج الاقتصادي من جهة علاوة على مسائل تتعلق بحوافز دفع الاستثمار وتهيئة المناطق الصناعية بالمناطق ذات الأولوية وتعزيز بنية الطرقات وبعث قطب تكنولوجي ومواضيع التشغيل والإعلام وشفافية الانتدابات، بعض محاور اهتمام وحوار الدورة الاستثنائية للمجلس الجهوى بولاية القيروان المنعقد اول أمس الأربعاء 29 ديسمبر، تحت إشراف السيد عفيف شلبى وزير الصناعة والتكنولوجيا بحضور السيد والي القيروان وعدد من الإطارات الجهوية وأعضاء مجلسي النواب والمستشارين ورؤساء البلديات وعدد من الشبان.

ولدى افتتاحه أشغال المجلس، ذكّر السيد عفيف شلبى وزير الصناعة والتكنولوجيا بما تحظى به ولاية القيروان من اهتمام متواصل ومتابعة من لدن رئيس الدولة الذي خص الجهة بعديد البرامج التنموية من تطوير البنية الأساسية تنويع النسيج الاقتصادي. وأوضح أن الاستثمارات التنموية بلغت بالجهة ما يناهز 3300 مليون دينار منها 1537 مليون دينار استثمارات عمومية شملت كل المجالات الاجتماعية والاقتصادية والثقافية والترفيهية. كما اشار الى تطور البنية التحتية من طرقات وجسور ومناطق صناعية باستثمارات فاقت 218 مليون دينار.
من جهة ثانية ثمن الوزير ما حققته الجهة من مشاريع ساهمت في تطوير مواطن الشغل المحدثة بالقطاع الصناعى من 2760 الى 10 الاف موطن شغل في إطار أهداف ترمي الى انجاز 200 مؤسسة صناعية و15 الف موطن شغل في افق سنة 2014. وأوضح ان المؤسسات المصدرة كليا بالجهة والتي يبلغ عددها 35 مؤسسة تستقطب وحدها ما يزيد عن 5441 عاملا اى بنسبة 55 بالمائة من عدد مواطن الشغل المحدثة بالمؤسسات التي تشغل 10 أشخاص فما فوق. كما اشاد الوزير بما شهدته القيروان من نقلة هامة في مجال تطوير الموارد البشرية عبر بعث جامعة القيروان (سنة 2004) واحداث 8 مؤسسات للتعليم العالى تستقطب اكثر من 14 الف طالب.
خطة تنموية ب 6700 مليون دينار
وأبرز السيد عفيف شلبى أبعاد الخطة الرائدة التي أقرها الرئيس زين العابدين بن علي خلال المجلس الوزارى المنعقد يوم 15 ديسمبر 2010 في اطار ما يوليه من إحاطة شاملة ببرامج التنمية الجهوية بمختلف ولايات الجمهورية حيث بلغت الكلفة الجملية لهذه الخطة لفائدة الولاية 6700 مليون دينار.
هذا وقد أعلن السيد عفيف شلبي عن دفعة أولى من البرامج تم إقرارها لدفع العمل التنموي في الجهة تتمثل في استغلال مركز العمل عن بعد وانجاز المنطقة الصناعية بالسبيخة وانجاز محلين صناعيين بمعتمديتي حفوز وبوحجلة وانجاز محلين صناعيين إضافيين في نصر الله وحاجب العيون. الى جانب إحداث منطقة صناعية على مساحة 26 هك بمدينة القيروان وإعادة هيكلة مركز التكوين والتدريب المهني ببوحجلة وإحداث وحدة تدريب مهني بمعتمدية العلا بهدف تعزيز القدرة على توفير المهارات المستجيبة لحاجيات النسيج الاقتصادي في الجهة ووضع خطة لاستقطاب الاستثمارات.
كما دعا الوزير الى وضع برنامج في إطار الصندوق الوطني للتشغيل في مجال التكوين الاشهادي في اللغات وتكنولوجيات المعلومات والاتصال والترفيع ب 50 بالمائة في عدد المنتفعين بعقود التشغيل التي يتم إبرامها مع الولاية في إطار تدخلات الصندوق الوطني للتشغيل مع ضرورة تنظيم يوم شراكة واستثمار بمساهمة ممثلي البنوك وشركات الاستثمار وهياكل الإحاطة للنهوض بالمشاريع ذات الكثافة التشغيلية.
توزيع فرص التنمية
ومثل المجلس الجهوي للتنمية في دورته الاستثنائيّة مناسبة حوارية قدم خلالها عدد من أعضاء مجلس النواب ومختلف أطياف المجتمع المدني مقترحات وتنموية كما أشاروا الى النقاط العالقة الواجب حلها وبعض الإشكاليات التي تعرقل جهود التنمية بالجهة. وقد تميز اللقاء بارتقاء مستوى الحوار وتنوع الخطاب وتنوع المقترحات بهدف تحقيق مزيد من التنمية بالجهة وتحقيق اعلى نسب التشغيل الذي يعد الشغل الشاغل للدولة ومحور رفع التحديات.
وقد دعا احد نواب البرلمان (القيروان) الى ضرورة إعادة تصنيف معتمديات الجهة الى مناطق ذات أولوية التنمية من اجل ضمان اللامركزية في الاستثمار ومن اجل تحفيز الباعثين على الانتصاب بهذه المناطق التي تفتقر الى مناطق صناعية. وأكد المتدخلون الحاجة الى توزيع النسيج الصناعي داخل كامل الولاية التي تفتقر فيها بعض المعتمديات الى مناطق صناعية ما نتج عنه هجرة السكان ( معتمديات نصر الله والحاجب والسبيخة والوسلاتية وبوحجلة والشراردة) داعين الى تنويع القاعدة الاقتصادية الذي انطلقت فيه الجهة.
كما اشار بعضهم الى ضرورة تشجيع الفلاحين والمساواة في إسناد المنح وعدم التمييز بينهم في اسناد منحة الاستثمار بين الفلاحين الصغار والكبار وذلك على غرار ما يتم تنفيذه في قطاع الصناعة وذلك نظرا لاهمية قطاع الفلاحة في تحقيق الأمن الغذائي.

وتعد مساحة ولاية القيروان شاسعة ومترامية الأطراف يبلغ 70 بالمائة من سكانها من سكان الريف. وهذا الريف ولئن شهد نقلة نوعية بحسب احد المتخلين من خلال مشاريع التنوير وتزويده بماء الشرب وتعبيد المسالك الفلاحية بما يعادل 1200 كلم من المسالك، فان هذا الريف لا يزال في حاجة الى مشاريع تنموية ومشاريع تدعيم البنية التحتية من ذلك حاجة نحو 1800 كلم من المسالك الفلاحية الى التعبيد وحاجة ما أنجز الى الصيانة. كما دعا المتدخل الى ضرورة تدخل صندوق التضامن في هذه المشاريع وضرورة تخصيص ميزانية لصيانة الطرقات.
من جهة ثانية وامام انخراط تونس في اقتصاد المعرفة والسعي الى تحقيق التوزان الجهوي، يرى احد النواب بضرورة الإسراع بإحداث القطب التكنولوجي الذي من شأنه استقطاب الكفاءات بالجهة وتشغيل الشباب وتحقيق التعاون الدولي اللامركزي. وشدد على انه آن الأوان لبعث هذا القطب على ضوء القطب الجامعي والمؤسسات الجامعية التي سيتم احداثها ومنها المدرسة الوطنية للمهندسين.
الصحة والإعلام والتشغيل
اما بخصوص القطاع الصحي، فدعا المتدخلون الى تدعيم مقومات العيش الكريم بمزيد العناية بالمؤسسات الصحية سواء بتدعيم الإطارات الطبية (أطباء الاختصاص) وشبه الطبية والتجهيزات بالمستشفيات الجهوية ومراكز الصحة الأساسية والإسراع ببعث مستشفى جامعي.
واستأثر موضوع تشغيل الشباب ومناظرات انتداب أصحاب الشهائد العليا، باهتمام بعض المتدخلين حيث دعوا الى ضرورة توفير فرص تشغيل لأصحاب الشهائد العليا وذلك من خلال الحصول على مقاسم فنية ضمن اعادة هيكلة الأراضي الدولية التي تقدر بمساحات شاسعة خصوصا بالوسلاتية. كما دعوا الى اعتناد آلية تشغيل أكثر واقعية تمكن من تشغيل من طالت بطالتهم اضافة الى مزيد توضيح مقاييس بعض الانتدابات وتجاوز التأويل الناجم عن عدم شفافية بعضها. وإحداث محاضن مؤسسات ومكاتب تشغيل بالمعتمديات مع ضرورة الاهتمام بالمعوزين وتوفير مساكن اجتماعية.
هذا ولم يستثنى الإعلام من المجلس، حيث اشار احد النواب الى انه بات من الضرورة بمكان إصلاح وضع الإعلام الوطني بشكل جذري، منددين بالحملة المغرضة التي قامت بها بعض القنوات العربية والأجنبية، في ظل غياب تغطية إعلامية وطنية.
وثمن المتدخلون ما شهدته ولاية القيروان من تطور على مستوى البنية التحتية وتطور نسبة الاستثمار وتقلص نسبة طلبات الشغل غير الملباة. منوهين بحرص السلط الجهوية وعملها الجاهد من اجل تحقيق التنمية الشاملة وتذليل الصعوبات، ومكبرين الرعاية الموصولة للرئيس بن علي لجهة القيروان عاصمة الثقافة الإسلامية.

السلام عليكم،

يا خي السيد الوزير جا للقيروان باش يشوفنا شنوة ناقصين و إلا باش "يثمّن" (كلمة "يثمّن" من أعز ما سمعت في حياتي) "الإنجازات" الباهرة. يا ربي، وقتاش باش اتّوب علينا من اجتماعات "التثمين" و التصفيق و الهتاف "الحار"؟ تي علاه ما نفرحوش مرة باجتماع فيه نقد ذاتي وكشف المستور؟

كيف العادة، نحبّ نحكي على الموضوع المفضّل لديّ و الذي عشت وقائعه مباشرة (معناها موش حديث وذني و لكن حاجات صارت قدامي) : الفسقية. وين ترى فيها التهيئة سيدي الوزير؟ الفلوس راقدة عندها قداه من شهر و ما فما شيء إلى الآن. و زيد جابولنا مشروع متاع زيتون و حشيش و نوّار و قالولنا هذا يتكلّف 5 مليارات. معناها لا يزّي استبلاه للمواطن (مشروع متاع 300 مليون إذا طارت يحسبهولك ب5 مليارات)، لا يزّي سوء تصرّف (المشروع متاع الزيتون ما يخلق حتى موطن شغل...اللهم إلا إذا كان نحبّو نحلّوا معصرة بحذاه).

ماك قلت يا سيادة رئيس الجمهورية يلزم قبول الدراسات و الاقتراحات و قلت هاذي السنة الدولية للشباب و يلزم نسمعو تطلعات الناس و المواطنين؟ هانا عملنا كيما قلت... جاء فريق من المتطوعين (فيهم الأساتذة الجامعيون و المهندسون المعماريون و المهندسون) و عملوا اقتراح لمشروع تمّ عرضه على المسؤولين (من نواب و رئيس بلدية و المسؤول على المشروع سي مراد الرماح) و حتى السيد الوالي اطلع عليه و عجب الناس الكل. مشروع آخر يخلق مواطن شغل عديدة و يوفّر مداخيل ملايين الدينارات سنويا و يكون بداية جيدة للسياحة الثقافية في القيروان. لكن ماراعنا إلا أن المشروع هذا وقع "تتليفه" كالعادة. و بدينا في سياسة تضييع الوقت و المماطلة و الوعود و التسويف و هات من هاك اللاوي. في حين أن الفلوس موجودة و الأفكار موجودة و لكن الفعل ربّي يجيبو.

يا سيادة الرئيس (و بالله يا من تكتبون التقارير الأمنية، وصّلوها هاذي)، المسؤول الأول عن المشروع السيد مراد الرماح، يرفض إلى حد الآن الاستجابة لمطالب الناس. برّى افهم علاش؟

هاذوما الخطر الحقيقي على النظام و على الدولة و على الاستقرار يا سيادة الرئيس. المسؤولين هذوما هوما إلي يخلّيو الناس تنقم على الوضع و تحرق رواحها. المسؤولين هذوما هوما إلي يخلّيو الناس (و خاصة الشباب العاطل عن العمل) يزيد ينقم بعد ما يشوف فلوس الشعب (إلي هي في نهاية الأمر فلوسو) تتبخّر فجأة من غير ما يوصلو شيء منها. ما فماش واحد ضرّك يا سيادة الرئيس كيما المسؤولين هذوما إلي يخبّيو عليك في الحقائق و يحبّو يعزلوك على شعبك. يجا شوف الفسقية إلي عطيتها 5 مليارات توّة فوق العام، ما صار فيها شيء. إيجا شوف منتزه رقادة إلي ماريناه كان في أحلامنا. إيجا شوف المناطق الصناعية الخالية من المصانع و إلي تقول عليها مصب متاع فضلات...إيجا شوف الفلاحين إلي موش لاقين الماء باش يسقيو أراضيهم برغم "تعبئة الموارد المالية" إلي ماشية إلى الولايات الساحلية المجاورة...إيجا شوف هذا الكل يا سيادة الرئيس و من بعد احكم : الناس عندها الحق "تفدّ" و إلّا لا؟

قبل أن تخرج سنة 2010 أريد أن أسوق بعض الملاحظات حول نوابنا المحترمين أعضاء المجلس الجهوي والذي بلغنا أنّهم تكلّموا بحماس فيّاض كالنائب محسن التميمي وخير الدين الذهبي وأضع سطرا تحت تكلموا لأنّ الكلام سهل وانطباعي في أغلب الأحيان وظرفي وحماسي ولكنّه كالزبد يذهب جفاء وأسأل هل كوّن أحد من نوابنا المحترمين لجنة لتدرس ملفّا معيّنا جمع فيه أهل الخبرة والنظر والاختصاص ليصل به إلى حلّ في مسألة من المسائل التي يشرف عليها في المجلس الجهوي؟ هل نظّم أحد النوّاب جلسة استشارية دعا إليها المهتمين بمسألة من المسائل وجمع من خلالها نقائص أمر من الأمور وكيفية تخطيها؟ ماذا يفعل نوابنا خارج المجلس أو حتّى داخله غير تدخلات بدائية غير مخطّط لها انفعالية وانطباعية في الغالب؟ هل لأحد من نوابنا مكتب يستقبل فيه النّاس على الأقل مرتين في الأسبوع ويدعو فيه الكوادر وأصحاب الرأي؟

السلام عليكم،

نورايك : إجابة على سؤالك. و لا مشروع من الذين أعلن عنهم الرئيس تمّ إنجازه بعد مرور العام على زيارته. و ما تستنّاش باش يتمّ الإنجاز لا السنة، لا العام إلي بعدو و لا إلي بعدو مادام "البعلي" هو سيد الموقف في القيروان. يا "نورايك" فاش تحكي بربّي؟ تي هو مشروع الفسقية فلوسو موجودة عندهم قدّاه من شهر و سي مراد الرماح المسؤول الأول عن المشروع ما عمل فيه شيء...فما بالك بالمشاريع إلي فلوسهم مازالت ما تصبّتشي؟ و حتّى في صورة تمّ إنجاز المشروع هذا، خوذها قاعدة مسلّمة من توّة : الحاجة إلي تتكلّف 100 مليون باش "يفكتروها" بمليار و ديما يمشي. و هذاكا علاه، شوية زيتون و حشيش و نوّار في القيروان يجيو ب5 مليارات. في حين أنّو كان تهزّهم هوما بيدهم لسوسة أو تونس أو المنستير أو صفاقس ما يفوتوش ال300 مليون. و لكن هاني القيروان "البهيّم القصيّر" متاع الناس الكل. دوّحي يا مباركة

عادل: اتّقي مولاك يا ولدي و ما عادش تجبد كلمة دراسات. إن "الدراسات" رجس من عمل الشيطان. و دون هذا الكلّ، الدراسات فيها تكسير بطاطا و أرقام و خدمة و تحيّر المواجع و تكشف الحقائق. يا ولدي، ما خيرش من الكلام. الكلام سهل و مريح و بلاش فلوس و ما فيهش برشة تكسير راس : نفس الديباجة إلي مستانسين بيها عنّا سنين الله نعاودوها في المناسبات. هاوكا كان لقينا الأمور "راكحة"، نجبدو الديباجة متاع "التثمين" و "الولاء" و تعداد "الإنجازات"..و كان لقينا إلي هي بدات تشدّ بعضها و الرئيس تغشش، ندوّروها وقتها "شجب" و "استنكار" (زعمة زعمة رانا فرد موجة إحنا و الرئيس)و نجبدو هاك "الكاسات" متاع العادة : نحبّو مستشفى جامعي ـ نحبّو مناطق صناعية ـ نحبّو قطب تكنولوجي (هاك الكلمتين إلّي تلقاهم سمعوهم في التلفزة و إلا قراوهم في الجرايد)... و نحلف عليهم حتّى واحد ما عندو ملف فيه أرقام و دراسة جدوى و التأثير الاقتصادي على المشاريع إلي يطالبو بيهم على الجهة.

عمارة : الزوالي عندو ربّي. و كلّ مسؤول استعمل فلوس الشعب في مصالحه الخاصة أو في أشياء لا جدوى منها (كيما الحشيش و النوّار) في حين أنّ آلاف الشباب عاطل عن العمل و كان من الممكن تشغيلهم من خلال بعث مشاريع مدروسة و ذات جدوى...كل مسؤول على الشاكلة هاذي باش يجيه نهار و "يخلّص"...إن لم يكن عاجلا فآجلا...و ربّك يمهل و لايهمل

اكد-ذكر-ابرز-اشار-أوضح-أشاد-ثمن-اعلن-هذه الافعال هي ما جاء في الدورة الاستثنائية للمجلس الجهوي... هي مجرد حبر على ورق...اين افعال الانجاز و المتابعة؟؟؟

في إطار حق الردّ اتصلت بالوكالة الوطنية للتراث لأستفسر عمّا جاء في هواجس المدوّن وادجا حول الفسقية وماذا تمّ في أمرها وقد لخصت كل اللقاء في هذه المطّات
ـ أنّ الخمسة مليارات التي وقع التطرّق إليها لم تصل إلى المجلس الجهوي وهذا طبيعي لورودها في الرائد الرسمي داخل ميزانية 2011 والتي يعلم الجميع أوان صرفها لم يحن بعد .
ـ الخمسمائة ألف دينار المُتحدث عنها صُبّت في ميزانية المجلس الجهوي في منتصف ديسمبر تحت عنوان ميزانية 2011 ايضا.
ـ عدم التقاعس عن أداء الواجب تجاه معلم الفسقية ومحيطه وذلك بقدوم ثلاث خبراء وصلوا تباعا في سبتمبر السيد كروتشي منقذ برج بيزا المائل والذي أعطى تقريرا أوليّا و الخبيرة الأسبانية في المعالم المائية والرطوبة قارسيا سوليدات في نوفمبر والتي سيصل تقريرها هذا الأسبوع والخبير الأممي برومبلاي الذي قدم في ديسمبر ويقدّم تقريره في 31جانفي.
ـ عقد جلسة يوم 8 ديسمبر مع السيد زبيّر يدعس كاهية مدير الإدارة العامة للهندسة الريفية واستغلال المياه.
ـ طلب عروض لانتداب مكتب دراسات لتحيين الدراسات التفصيلية التي لم يقع تبني أيّ منها إلى الآن ومتابعة الإنجاز في انتظار التقارير ودراسة التأثيرات البيئية للمشروع.
ـ انطلاق أشغال ترميم المعالم التي لها الأولوية المطلقة من ميزانية صيانة المدينة،
ـ تفريغ الفسقية الصغرى لإعدادها للدراسات
ـ تهيئة منزل ملاصق لسيدي الدهماني لاستغلاله كفضاء سياحي ثقافي
ـ انطلاق صيانة سيدي ناجي وسيدي الدهماني جاري الفسقية
ـ التنظيف والحراسة
ـ التنسيق مع التجهيز لصيانة السور
وفي الأخير وقع الإشارة إلى ضرورة التوجّه بالخطاب إلى المؤسسات لا إلى الأشخاص بتسمية أسماءهم وهم ليسوا إلا موظفي دولة ينتمون إلى إدارات ووزارات فالمسألة ليست شخصية البتّة
وتجدر الإشارة إلى استياء السيد مراد الرماح من الزجّ بإسمه في هذا المجال ومغالطة الرأي العام بإعطاء معلومات خاطئة ثمّ البناء على هذه المعلومات للتهجّم عليه بصفة شخصية ومجانية

مع الرجاء بعدم ذكر الأسماء وإنما ذكر المؤسسات المعنية

السلام عليكم،

صدقوني من كثر ما فما مغلطات في هذا المقال، الواحد احتار منين باش يبدى. لكن قبل ما نبدى حبّيت ملاحظة صغيرة لخويا عادل : راني مانيش "مدوّن" لسبب بسيط و هو أنّ ليس لي مدوّنة، و لكني مواطن تونسي عادي أزعم أنّي ما نحبّش العوج...لا أكثر و لا أقلّ. نجيو توّة للملاحظات على ما ورد في التقرير الماضي

أولا : آش مدخّلها الوكالة في المشروع؟ هذا معلم يرجع بالنظر للمعهد الوطني للتراث. الوكالة لا ناقة لها و لا جمل في الحكاية. يظهرلي مشيت للعنوان الغالط يا عادل

ثانيا : موضوع ال5 مليارات. كنت حكيت معاك فيه يا عادل من قبل و لكن يظهر فيك نسيت. الفلوس موجودة و مخصصة للمشروع و لكن الدولة تسيّبها تدريجيا على حسب وتيرة تقدّم الأشغال. و هاذي حكاية 2011 مرتبطة بأمور إجرائية و الناس إلي قارية "علوم محاسبة" تفهمها مليح

ثالثا : ال500 مليون. هاذي قالتلهم اسكتوا. الكذب عيني عينك؟ يا سيدي ال500 مليون هاذوما خذاتهم وزارة الثقافة منذ ماي 2010 ثمّ تمّ تحويلهم للولاية منذ أوت 2010. و في حوار أجراه خونا ناجح مع سي مراد الرماح في سبتمر 2010 حكى هذا الأخير على ال500 مليون و قال إلي هوما مازالوا ما تصرفوش و إلي هوما مخصصين للدراسة (و كلامو موش دقيق على خاطر ال500 مليون هاذي مخصصة للدراسات الأولية و الدراسات متاع الهندسة المدنية و متاع المتابعة و المراقبة معناها "قيادة" المشروع من ألفه إلى يائه). و نزيدك زوادة يا عادل إنتي بذات نفسك قلت في تدخّل متاعك على الفوروم في أكتوبر 2010 إلي ال500 مليون وصلوا. و توّة تجي تقوللنا إلي هوما وصلوا في ديسمبر؟ ولّيت تنسى برشة يا عادل

رابعا: تهيئة منزل ملاصق لسيدي الدهماني لاستغلاله كفضاء سياحي ثقافي؟؟ هاذي قالتلهم اسكتوا. الراجل عندو ميزانية متاع 5 مليارات و هو طامع في تهيئة "خربة". يا أخي راهم 5 مليارات بالتمام و الكمال موش لعب صغار. تعرفوا آش معناها 5 مليارات؟ معناها قدّ ميزانية صندوق التنمية متاع ولاية كاملة كيما جندوبة و الكاف...معناها ثلت الاعتمادات إلي خصصهم الرئيس لولاية كاملة بطمّ طميمها، بمدنها و قراها و جبالها و سهولها...معناها أقل شوية من ميزانية بلدية القيروان إلي تمسح آلاف الهكتارات...5 مليارات على 14 هكتار و إنتي تحكيلي تهيئئة "خربة" كفضاء سياحي؟؟؟ هههههه. تسمع يا سيدي الوالي؟ تسمع يا سيادة الرئيس؟

خامسا : توة سي مراد الرماح كيف يجبدلنا هاك الموال متاع "حكيت مع فلان و علاّن" و "التأثيرات البيئية" و "الخبراء الأجانب" و "تهيئة السور"...قريب باش يردّها مشروع متاع مفاعل نووي...نقولولو و بكل لطف : "ذاك العهد ولّى و انقضى" و الناس توّة ولات قارية و تفهم. و نقولها و بالصوت العالي : راهو الكلام هذا تضليل للقراوة و ضحك على الذقون. الكلام إلي يحكي فيه الكل هو من مشمولات مكتب الدراسات إلي باش يربح طلب العروض. و كنت فسّرت في تدخّل سابق كيفاه تصير الخدمة حسب القانون التونسي فيما يخصّ المشاريع الكبرى (التي تتجاوز ميزانيتها ال3 مليارات). إلي تقال الكل غالط في غالط في غالط و موش قانوني.

]b]سادسا:[/b] يا عادل نحكي على الأسامي و أتحمّل مسؤوليتي و الكلام هذا يعبّر على وجهة نظري و ليس على وجهة نظر الفوروم (و حكينا فيه الموضوع هذا من قبل). و السيد مراد الرماح هو المتسبب الرئيسي في تعطيل المشروع لسبب بسيط و هو أنه من وقع تعيينه رسميا كمسؤول أول على تهيئة الفسقية. و عمرنا ماحكينا على حياته الشخصية و لكن حكينا على صفته الرسمية.

و حاجة أخرى يا عادل : المرة القادمة ماذابينا لو كان سي مراد الرماح يبعث برسالة ممضاة للفوروم باش ما يجيش من بعد و يقول "الكلام هذا ما قلتوش" و إلا يقوللنا راهو صار سوء تفاهم

و نزيدك زيادة : هاني ماشي شوية أخرى إن شاء الله نطلب مقابلة مع السيد الوالي سي ياسين بربوش للحديث في هذا الموضوع و ليكون السيد الوالي على علم بالضحك على الذقون إلي قاعد صاير قداه من شهر توة. و إن شاء الله السيد الوالي يوافق على المقابلة

السلام عليكم
الذي أقلقني في الموضوع أني فتحت بابا للنقاش في موضوع فاتجه ناحية موضوع آخر مفتوحة له صفحات أخرى
ثانيا أنا نقلت ما أفادني به السيد المسؤول شخصيا دون تدخل منّي أي التزمت حيادا تاما فإذا كان هناك ردّ فأرجو أن لا يُوجّه إليّ
ثالثا لنتجنّب كل المؤاخذات اقترح أن لا نشخصن الأمور وأن نوجّه خطابنا إلى المؤسسة لا إلى الشخص بإسمه وهكذا لا نحيد بالحوار عن أهدافه الحقيقية وهذا ما تحدثت فيه مع صديقي مؤسس المنتدى
رابعا ألا تعتقدون أنّ روتين الإجراءات له دور قاتل في تأخير الأمور؟
خامسا وأتوجّه بها إلى المسؤولين عن تنفيذ المشاريع المبرمجة ألا تعتقدون أنّ هذا الجيل الجديد والذي يمثله مثلا وادجا والشباب الذي خرج في سيدي بوزيد وقبلها في الرديف قد ملّ انتظار الإنجازات التي لا تأتي والتي يسمعها في نشرات الأخبار والخطب الرنانة فلا بد إذا من الإسراع بالتنفيذ فهو أفضل إجابة عن أي اتهام

السلام عليكم،

مشيت اليوم للولاية باش طلبت مقابلة السيد الوالي فماش ما نحكيلو على تعطيل المشروع متاع الفسقية. و الحق يقال، سي ياسين بربوش قبلني بصدر رحب و سمعني و قال إلي هو اطّلع بنفسه على الدراسة إلي تمّ تقديمها بفضاء بن رجب و عجبتّو ياسر (معناها يا رسول الله، كيف تجي تحسبها تلقاها عجبت الناس الكل إلا سي مراد الرماح) و إلي من اللازم استغلال ميزانيات كيف هاذي لإيجاد حركية اقتصادية في البلاد و خلق مواطن شغل و وعد بالمساعدة من أجل الإسراع في التنفيذ

و توة بركة كنت نقرى في مقال حول اتفاقية ممضاة اليوم بين وزير الثقافة و وزير السياحة من أجل الاستغلال الأمثل للسياحة الثقافية إلي تمثّل حاليا أحسن وسيلة لإنقاذ السياحة التونسية من أزمتها (و هذا موش كلامي و لكن كلام المسؤولين). و إحنا في القيروان نحبّو نمشّيو 5 مليارات في ما لايعني. بالله تصوّروا 5 مليارات ما تخلقشي مواطن شغل، شنوة الفائدة منها؟ 5 مليارات ما تحرّكشي البلاد اقتصاديا، فاش قام نصرفو فيهم؟ 5 مليارات في الحشيش و النوار و الزيتون و "خربة" نعملوها "فضاء سياحي و ثقافي"؟ عادة كان الحكاية هكة، نمشيو نرجّعوهم الفلوس خير على خاطر فما ناس محتاجتهم أكثر منا.

راهم 5 مليارات يا رسول الله!!! معناها انجمو نجيبو 833 عائلة إلي ظروفهم على قدّها و تعطي لكل واحدة فيهم 500 دينار في الشهر على امتداد عام كامل. معناها تنجّم تستعملهم باش تعمل مشروع في الفسقية تخلق بيهم مواطن شغل للبطّالة إلي ضربتهم الحيوط توّة قداه من عام. معناها تحافظ بيهم على التراث إلي باش يمشي في خبر كان. معناها تعمل بيهم مشروع تجيب بيه مداخيل مالية للمدينة...معناها و معناها و معناها...و السيد المسؤول مرقّدهم. سيب الفلوس يا أخي