من يردع الحيدوسي؟

كثيرا ما يشتكي المدربون التونسيون من قلة الدعم وتفضيل الهيئات المديرة للأندية التونسية للمدرب الأجنبي على نظيره التونسي. وهو أمر لا ينكره عاقلان لكن في المقابل فإن بعض المدربين يتنصلون من مسؤولياتهم ولا يحترمون بنود العقد الذي يربطهم تجاه مؤجرهم وهو النادي في قضية الحال. فبعد "حادثة" تغيير الإطارات في القطر الليبي التي اختلقها فوزي البنزرتي قبل 3 مواسم هاهو سفيان الحيدوسي يمارس "حب عزيز" مع شبيبة القيروان ويقرر الانسحاب في مرحلة أولى قبل أن يثنيه فاتح العلويني في مرة أولى ولكن في المرة الثانية تمسك بالانسحاب دون الإفصاح عن الأسباب الحقيقة الكامنة وراء اتخاذ قراره بل صرح بأنه يرفض الكشف عن سر تمسكه بالانسحاب وهو ما يعني إلقاءه عرض الحائط لكل التزام تجاه مؤجره وعدم ابداء أبسط قواعد الاحترام تجاه أحباء الشبيبة...مدرب جندوبة الرياضية بدوره محمد الجلاصي يبدو وكأن إشرافه على هذا الفريق مجرد "شدان يد" لا غير في انتظار وصول العرض الأفضل وإلا ما معنى تقديمه للاستقالة هكذا في وسط الموسم ليبعثر أوراق ناديه ويذهب للتفاوض مع مسؤولي الملعب القابسي ومستقبل القصرين وهو ما يعني أن الجلاصي سيتعاقد مع من يدفع أكثر. ليت كل المتدخلين في كرة القدم من مسؤولين ولاعبين ومدربين وحتى حافظي الأثاث يعوا جيدا ان إبرام عقد يعني التزاما بالواجبات والتعهدات نظير تقاضي الأموال والمنح...

السلام عليكم،

توة هكة؟ ولّى المشكل في الحيدوسي؟ معناها رأس الهم دادة عائشة؟ مرة نقولو التحكيم ظلمنا و مرة نقولو الجمهور ما يساندش و توة نلومو على المدرب إلي خرج بالقدر متاعو و ما حبّش يفضحنا على أعمدة الصحف؟ تي علاش ما نمشيوش للمشكل طول و نربحوا الوقت و الحبر؟ المشكل في الهيئة المديرة، في طريقة التسيير التي أكل عليها الدهر و شرب، في طرق العمل البدائية و الرعوانية.

بربّي آش تحبّو يقول الحيدوسي؟ تحبّو يقول إلي ما فماش انضباط في الجمعية؟ تحبّو يقول إلي فما أشباه مسؤولين يحبّو يرجعوا لاعبين استغنى عليهم المدرب؟ تحبّو يقول إلي فما أشباه مسؤولين يجيبولنا في أشباه لاعبين من القسم الثاني إلي حتى الأندية متاعهم ماعادش قابلتهم و إحنا نجيبوهم للشبيبة إلي هي تلعب في القسم الأول؟ تحبّو يقول إلي التسيير شكشوكة في النادي و إلي ما فماش إدارة يتعامل معاها؟

واحد من الناس، ما نحبّش نحكي برشة في الكرة بالرغم إلي مغروم بيها برشة و لكن، و بكل صراحة، فما حاجات تنطّق. تي هاذوما مسؤولين شادين وجوهنا منذ أبد الآبدين و الشبيبة ذاقت معاهم الويلات و إحنا مازلنا نحبّو نغطّيو عليهم؟ تي لا بكل صراحة. فاضت الكأس.

و بربي ملاحظة أخيرة. آش معناها نلومو على الجمهور كيفاه ما يحضرشي للمقابلات؟ تي المسؤولين هذوما إلي خانوا التعهدات متاعهم وقت الجلسة الانتخابية هوما السبب الأول و الأخير في عزوف الجماهير. المسؤولين هذوما إلي عملو انقلاب على برنامج العمل متاع حمادي المعلول و الفريق إلي معاه هوما السبب في الكارثة. آش تحبوا من الجمهور؟ يدفع الفلوس و يخلّص الاشتراكات و يسكّر فمّو؟ ماجاتش هاذي. حاجة من الاثنين: يا إما الجمهور يحضر و يعاون الجمعية و يقع أخذ رأيه بعين الاعتبار و إلا المسؤولين يعملو إلي في راسهم و يولّيو هوما يصرفو على الجمعية و ماعادش يحكيو على الجمهور. آما هاذي طريقة، ادفع الفلوس و سكّر فمك ماعادش تاكل.

عفوا على الإطالة و على التشنج و لكن العوج كثر برشة.

انا نحب إنكد إلّي الحيدوسي باش تهبط عليه أكبر الفرق وأنا نعرف اش قاعد نقول هكاكة حرمنا رواحنا من مدرب كبير وربي يهدي وبرة

وماذا فعل الحيدوسي حتّى يردع؟ هل لأنه امتنع عن نشر غسيل الجمعية على أعمدة الصحف وخيّر الإنسحاب بدون ضجيج؟ غريب أمركم والله تتركون المتسببين الحقيقيين في هذه الأزمة وتطاردون الحيدوسي الذي أثبت أنّه من خيرة المدربين التونسيين بشهادة الجميع بمن فيهم اللاعبين. فالكل يعرف أن الأزمة التي تتخبط فيها الشبيبة هي أزمة تسيير بالأساس وحان الوقت بالمطالبة بجلسة خارقة للعادة يتم بمقتضاها وضع النقاط على الحروف ووضع كل المتدخلين في شأن الفريق أمام مسؤولياتهم على غرار ما فعل بعض المحامين لمسيري الأندية التي ينتمون إليها بتطبيق قانون الجمعيات والقانون الأساسي للفرق ووضع الإصبع على الداء الذي ينخر النادي وبالتالي التدخل قبل فوات الأوان.