حملة مقاطعة النصّابة

حتى انا ما نتصورش
تي بربي انا كي نشوف القيروان والفوضى اللي ولات فيها نتنرفز ونتاسف برشة ونولي نخمم في حل كيفاش ننحيو النصابة هذومة اما كي نجي نخمم مانلقاش حل لانو في الاخير هالنصب مسكرين باب بلاء في البلاد كان نحيوهم تو تتشرد عائلات ويزيد الفقر ويكثر الاجرام
ساعات نشوف طفل صغير واقف على نصبة يبيع في الوقيد او في اي حاجات تافهة قلبي يتحمم نقول هذا اللي اولاد اخرين في عمرو راو شايخين يتمتعو بطوفولتهم هو قاعد يبيع وزيد البلدية النهار الكل تجري وراهم حرام والله
تي في الاخير هاو ما يدوم حال هاو نصبو ولمو رزقهم وهاو وفا رمضان وكل واحد هز نصبتو ومشى

مناش ضد النصابة ولكن ضد الإنتصاب الفوضوي وفمة فرق راهو

اي اما حملة مقاطعة النصابة جمعت النصابة الكل
المهم هكة معقول نحافظو على جمال ونظافة بلادنا من غير ما نظلمو حد
اما نشالله تنجح الحملة